அறிந்த வேளையில் மனது

நண்பா நீ தப்பா நினைக்கலன்னா நான் ஒன்னு சொல்லலாமுன்னு இருக்கேன் என்று அருகில் வந்தான் வில்சன்
-எம்மதமும் சம்மதமுன்னு சொல்லாதவரையில் நான் தப்பா எடுத்துக்கமாட்டேன் என்றான இம்ரான்
-அதுல தான எனக்கு புது டவுட் உன்னைப் பத்தி எனக்கு தெரியும் இல்லையா அதனால தான் முதல்லயே உன்கிட்ட பர்மிஷன் கேக்குறேன் என்றான் வில்சன்
-என்ன டவுட்
-இப்போ நீ வழிபடுற இஸ்லாத்தையும் நான் வணங்குகின்ற கிருஸ்தவத்தையும் கொஞ்ச நேரம் மறந்துவிட்டு மனிதன் என்ற அடிப்படையில் கொஞ்ச நேரம் பேசலாமா
-சும்மா நாம விவாதிக்குறதுக்கு ஏன் நம்மலோட மதத்தை கைவிடனும் என்றான் இம்ரான்

-எதுக்குச் சொல்றேன்னா சில நேரத்துல உன் மதத்தைப் பற்றியோ இல்லைன்னா என் மதத்தைப் பற்றியோ விமர்ச்சிக்க வேண்டிவரும் அப்போ நம்ம மனசு வருந்தக்கூடாது இல்லயா அதனாஈல தான் என்றான் வில்சன்
-சரி அப்படீன்னா இது பத்தி உன் மதத்திலையோ இல்லைன்னா உங்க பாதிரியார்களோ
விளக்கிஇருக்காங்களா என்றான் இம்ரான்
அப்படி விளக்கினதா இதுவரை எனக்குத் தெரியல அது இருக்கட் டும் உங்க வேதமோ இல்லன்னா உங்க முல்லாக்களோ இது பத்தி விளக்கி இருக்காங்களா என்றான் வில்சன்
-எங்க முல்லாக்கள் என்று சொல்றதவிட எங்க வேதம் இதபத்தி விளக்கம் இருக்கா இல்லன்னா எங்க நபி இது சம்பந்தமா சொல்லி இருக்காங்களான்னு தான் முதல்ல பார்ப்போம் என்றான் இம்ரான்
-ஏன் இப்படி ஒரு குருட்டு பகதி என்றான் வில்சன்
-இதுக்குப் பேரு குருட்டு பக்தி இல்ல இதை நான் ஒரு வழிக்காட்டல்ன்னு நான் நினைக்கிறேன். இன்னிக்கு உன் வாழ்க்கைக்கு ஒரு ரோல் மாடலை உன் வாழ்க்கைக்கு உந்து சக்தியா எடுத்திருக்கே இல்லயா சரியா சொல்லனும்னா உன் பெட்டுக்கு மேல ஒட்டி இருக்குற, இந்தப் படத்தைப் பார்த்த உடனேயே ஒரு நடிகன் தான் உன் ரோல் மாடல்னு தேரிஞ்சிக்க அதிகம் நேரம் ஆகாது
-ஆமாம் ஹீ ஈஸ் டேலண்ட் பெர்சன் அவரோட நடை உடை பாவனை பேச்சு கம்பீரம் ஸ்டைல் எல்லாம் எனக்கு பிடிச்சிருந்த து அதனால தான் அவர என் ரோல் மாடலாக நினைக்கிறேன்.
-இப்போ சொல்றியே இதுக்குப் பேறுதான் குருட்டு பகதிங்கிறது. வழிக்காட்டலுக்கும் கேரக்டருக்கும் இடையில் எத்தனைப் பெரிய வேறுபாடு இருக்குத் தெரியுமா நீ ரோல் மாடலாக நினைக்கிறதுக்கு இதுமட்டும் காரணமில்லைன்னு நான் நினைக் கிறேன்
-என்ன திருப்பி அடிக்கிறியா என்றான் வில்சன்
எதார்த்தத்தைச் சொன்னா அதுக்குப் பேரு திருப்பி அடிக்கிறது இல்ல.
-அவர பலரோடு ஒப்பிட்டுப் பார்த்தேன் பிடிச்சிருந்தது. அவ்வளவு தான் .
-பொய் சொல்லாதே அவர் ஒரு காதல் இளவரசன் அப்படீங்கிறதும் உன் மனசுல பதிஞ்சிருக்கிறதும் ஒரு காரணம்
-அதுவும் ஒரு காரணமா இருக்கலாம்
-என்ன இருக்கலாம் இது தான் உன் உள் மனசுல இருக்கிற உண்மை
சரி அதுக்கு என்ன இப்போ என்றான் வில்சன்
-உலக வாழ்க்கையில நீ முன்னேறுறதுக்கு இவர் என்ன உபதேசம் உனக்கு செஞ்சிருக்கார்
-நல்லா உழை வாழ்க்கையில் முன்னேறு உன் குடும்பத்தை கவனி அதன் பிறகு எங்களைப் பார் என்று சொல்லி இருக்கார் இவரைப் போல யாரும் சொல்லி இருக்காங்களா என்ன?
-இவர் என்னவோ பெரிய தத்துவத்தை சொன்னது போலவும் இதுக்கு முன்னாடி யாரும் சொல்லவே இல்லை என்கிறது போலவும் சொல்றியே உனக்கு வெட்கமா இல்லை.
-என்னடா இப்படி கேட்கிறே
-பின்ன என்ன இத உன் அப்பா எத்தனைத் தடவை உன் கிட்ட சொல்லி இருப்பார் அப்ப உன் மனசுல ஏறல உன்காதுலயும் விழல ஆன உன் ரோல் மாடல் சொன்னதும் உனக்கு மனசுல பதியிதுன்னா சினிமா எவ்வளவு தூரம் ஊடுருவி இருக்குன்னு தெரியிது.
இப்ப என்ன சொல்ல வர்ரே என்றான் வில்சன்
-படிக்காத பாமரன் இதைச் சொன்னான்னா அத அவனோட அறியாமைன்னு விட்டுடலாம் ஆன கம்ப்யூட்டர் சயின்ஸ் படிச்ச நீ யே இப்படி இருந்தாக்கா மற்றவங்க எப்படி இருப்பாங்க
-நீ சொலறது புரியில என்றான் வில்சன்
அரிதாரம் கலைக்கிறதுக்கு முன்னாடியும் பின்னாடியும் இவர்களோட நடவடிக்கைகளைப் பத்தி என்னைக்காவது சிந்தித்து பார்த்திருக்கிறியா என்றான் இம்ரான்
-ஏன் அவங்களோட பர்சனல் பிரைவசியில தலையிடனும்
-பின்ன எதைப் பார்த்து அவங்கள ரோல் மாடலா எடுத்தே
அவரோட பத்திரிக்கைப் பேட்டி கட்டுரை இவைகளப் பார்த்து தான்
-கேமிரா முன்னால இயக்கப்படுற ஒரு ஆள் உனக்கு ரோல் மாடல்ன்னா உலகத்துல கோடிக்கணக்கானவங்க பின்னபற்றுற ஏசுவோ இல்லைன்னா முஹம்மது நபியோ உன் பார்வைக்கு வரல இல்லையா என்றான் இம்ரான்
-அது மதம் இது உலக வாழ்க்கை என்றான் வில்சன்
-சரி உன் ரோல் மாடல் உலகவாழ்க்கையில தான் சொன்னத செஞ்சிருக்காரா என்றான் இம்ரான்
-எதைச் சொல்லிட்டு செய்யல
கும்பகோணம் என்கிற ஊருல ஒரு பள்ளிக்கூடம் தீப்பிடிச்சு எரிஞ்சுப் போச்சு அதுல சிக்கி கிட்டத்தட்ட நூறு குழந்தைகள் கருகி இறந்து போயிடுச்சு. மனிதாபிமானம் எனகிற அடிப்படை யில் உன்னோட ரோல் மாடல் வந்தார் ஆறுதல் சொன்னார் அப்புறம் உதவிகளைச் செய்யிறதா பத்திரிக்கைகள்ல அறிவிப்பு செஞ்சார் ஆனா இந்த உதவி இதுவரைக்கும் கிடைக்கலியே இது இந்திய அரசாங்கத்துக்கு கணக்கு காட்டி வரி ஏய்ப்பு செய்யிறதுக்காக சொன்ன வாரத்தையோன்னு மக்கள் பேசிக்கிறாங்க என்கிற விபரமாவது உனக்குத் தெரியுமா என்றான் இம்ரான்
-அப்ப அவங்க யாரும் உதவியே செய்யிலேன்னு சொல்றியா
-மேடையில சொன்னத செய்யாத ஒரு கூத்தாடி உனக்கு ரோல் மாடலா உனக்குத் தெரிஞ்சா அது உன் இஸ்டம் ஆனா நீ கடவுள்னு நம்புற ஏசு சொன்னதைவிட அரிதாரம் பூசி கலாச்சாரத்தைக் கெடுக்கிற கூத்தாடி சொல்றது உனக்கு நல்லதா படுது
-கலாச்சாரம் எப்படி அவரால கெடும் நாம நடந்துக்கிற முறையில் அல்லவா அது இருக்கு
-படத்துல பிக்னி உடை உடுத்திக்கிட்டு வர்ரவளோடு கைகோர்த்துக்கிட்டு முத்தம் கொடுத்துக்கிட்டு இந்த விசயத்த அங்கீகரிக்கிற மாதிரி நடிக்கிறதும் பேட்டிக் கொடுக்கிறதும் சம்பாரிக்கிற பணத்தை வரிஏய்ப்பு செஞ்சிட்டு இந்திய தேசத்தின்
வளர்ச்சியை கெடுக்கிறதுமில்லாம தான் நடிக்கிறப்படம் வெற்றிப் பெறனும் என்கிறதுக்காக எதிரியைக்கூட கடவுள் என்கிற சுயநலவாதிகள் தான் இந்த நடிகர்கள் என்கிறத முதல்ல நீ புரிஞ் சுக்கனும் அவங்களோட சுயநலம் தெரியாம தான் அவங்கள ரோல் மாடலா ஃபாலோ பண்ணிக்கிட்டு இருக்கீங்க
-எல்லாரையும் ஒரேக் கணக்குள எடுத்துக்கிறது எந்தவித த்துல நியாயம் அவரும் பல சேவைகள் செஞ்சவர்தான் என்றான் வில்சன்
ஏன் நாம கூடத்தான் நேற்றுப் பேப்பரைப் பார்த்துட்டு அந்த ஆர்பனேஜுக்கு பணம் அனுப்பி வைக்கலையா இது கூட சமூக சேவை தான். எதிர்ப்பார்ப்போடு செய்யிற எந்த உதவியும் சுயநலன் கலந்த துன்னு நான் நீனைக்கிறேன் என்றான் இம்ரான்
-வாயைக் கொடுத்து வாங்கி கட்டிகிட்டேனா என்றான் வில்சன்
-நான் அப்படி தினைக்கில புரியாம இருந்த நீ புரிஞ்சிக்கிட்டேன்னு தான் நான் நினைக்கிறேன் என்றான் இம்ரான்
ஆமா உங்க வேதம் என்ன சொல்லுதுன்னு சொல்லவே இல்லையே
பரவாயில்லையே நினைப்பு வச்சு கேட்கிறே
என்னைக் கேனையன் என்றே முடிவுப்பண்ணிட்டியா
இல்ல இனிமேல் தான் முடிவுப் பன்னப்போறேன்
எப்படி
இதைத் தெரிஞ்சுகிட்டப் பிறகும் பழைய குருடி கதவைத் திறடின்னு போயிட்டேன்னு வச்சிக்கோ என்ன நினைக்கிறதாம் உன்னைப் பத்தி என்றான் இம்ரான்.
டூ மச் இன்சல்ட்
-பார்ப்போம் உன்னோட ரோல் மாடலின் அடுத்தப் படம் வர்ர வரைக்குமாவது நீ சத்தியத்துல இருக்கியான்னு
-என்னை வாருனதுப் போதும் நீ சேதிய சொல்லு
-எங்க வேதம் என்ன சொல்லுது என்கிறதையும் எங்க நபி என்ன சொல்லி இருக்காரு என்கிறதையும் உனக்கு இப்ப சொல்றேன் என்று ஆரம்பித்தான் இம்ரான் விவேகத்துடனும் அழகிய அறிவுரையுடனும் உமது இறைவனின் பாதையை நோக்கி அழைப்பீராக அவர்களிடம் அழகிய முறையில் விவாதம் செய்வீராக உமது இறைவன் தனது பாதையை விட்டு விலகி யோரை அறிந்தவன் என்று தன் திருமறையில் குறிப்பிடுகின்றான்
இதைப் போலத்தான் தன்னுடைய வாழ்க்கையில் முஹம்மது நபி அவர்களும் வாழ்ந்து காட்டியும் சென்று இருக்கின்றார்கள், அதைப் பின்பற்றியே முஸ்லிம்கள் வாழ்றோம். நீ சொன்னியே ஏன் இந்த குருட்டு பக்தின்னு இதுக்கு பேரு குருட்டு பக்தி அல்ல இது அவர் சொன்ன ஒவ்வொரு வார்த்தையிலும் சொல்லிலும் ஆதாரப்பூர்வமான சரித்திரக் குறிப்பீடுகளைப் கண்டும் கேட்டும் அதைப் பின்பற்றி நடக்கிறவன் தான் முஸ்லிம் என்கிறத முதல்ல நீ புரிஞ்சுக்கனும் அவர் சொல்லி ஆயிரத்து நானூறு ஆண்டுகள் கழிஞ்ச பிறகும் இது உயிரோட்டம் உள்ளதாய் இருக்கிறதையும் அதைப்பின்பற்றுறவங்க இருக்கிறாங்க என்கிறதையும் நீ தெரிஞ்ச்சிருப்பேன்னு நான் நினைக்கிறைன் என்றான் இம்ரான்
அப்படீன்னா உங்களக் காட்டிலும் பழமையானது எங்க மதமான கிருஸ்தவம் அது தான் இன்று உலகில் பலகிப் பெருகி இருக்கு அப்போ உங்களை விட எங்க வேதமான பைபிளும் எங்க கடவுளாகிய கிருஸ்துவும் தான் என்னால சொல்ல முடியும் இல்லையா என்றான் வில்சன்
ஆதாரத்தை காட்டிட்டு தாராளமாகச் சொல்லிக்க
என்ன ஆதாரம் வேண்டும் உனக்கு என்றான் வில்சன்
-இப்ப நீயே சொன்னே எங்க கடவுள் ஏசு கிருஸ்து என்று . ஏசு மனிதரா இல்ல தெய்வமா நீ நம்புகிற உன்வேதமான பைபிளில் நான் தான் கடவுள் அதனால் என்னையே வணங்குங்கள் என்று சொல்லி இருக்காரா அதை எனக்கு காண்பி பார்ப்போம் என்றான் இம்ரான்
அப்போ எங்க வேதமான பைபிளை நல்லா படிச்சிருக்கேன்னு சொல்லு என்றான் வில்சன்
-ஆமாம் என்னை இம்ரானாகத்தான் உனக்குத் தெரியும் ஆனா அதுக்கு முன்னாடி நான் இஸ்மவேலா இருந்தது உனக்குத் தெரியுமா என்று இம்ரான் கேட்க சப்தம் வராமல் திகைத்து அதிர்ச்சியில் உறைந்துப் போனான் வில்சன்

சமர்ப்பனம்

அந்த இலக்கியவாதியின் வார்த்தை விளையாட்டை கேட்டு பலரும் ஆச்சரியத்தில் மெய் மறந்திருந்தார்கள் அரங்கம் கூட்டத்தால் நிரம்பி வழிந்தது.. கைத்தட்டலால் அதிரவும் செய்தது.

வாசலில் கேட்டுக் கொண்டிருந்தார்கள் இம்ரானும் அவனின் ரும் மேட் நிக்ஸனும்.

-இன்னிக்கு தமிழ்நாட்டுல பேசப்படுகின்ற ஓரே கவிஞர் இவர்தான் என்ன தத்ரூபமான கவிதைகள் அவரோட வாரத்தையை பார்த்தியா நினைச்சே பார்க்க முடியாத சிந்தனையா இருக்கு என்றான் நிக்ஸன்.
-கவிதை என்றாலே அது பொய். கவிஞன் என்றால் அவன் பொய்யன் என்றான் இம்ரான்
-என்னடா சொல்றே
-இவர்களின் கவிதைகள் எதாவது ஒன்றில் சமூக அவலத்தை சுட்டிக்காட்டுற சிந்தனை வரிகள் எதாவது இருக்கின்றது என்று சொல்ல முடியுமா உன்னால
ஏன் இல்லை நீ பாக்கல படிக்கல என்றால் அவரின் வாரத்தைகள்ள உண்மையில்லைன்னு ஆயிடுமா என்றான் நிக்ஸன்
-ஆயிரம் சிருங்கார கவிதைகளை புனைந்துவிட்டு நடுவுல ஒரே ஒரு அர்த்தமுள்ள கவிதைகளை எழுதினா அதுக்கு என்ன அரத்தம் என்றான் இம்ரான்
-அவர குறைசொல்ற தகுதி உனக்கு இருக்குன்னு நீ நினைக்கிறியா என்றான் நிக்ஸன்
-விமர்ச்சிக்கிறதுக்கு என்ன தகுதி வேண்டும் என்று நீ எதிர் பார்க்குறே என்றான் இம்ரான்
-அதோ பார் ஒரு இளம் பெண் நமக்குப் பக்கத்துல நிக்கிறா அவளை வர்ணித்து ஒரே ஒரு கவிதையை என்கிட்டே நீ சொன்னா உனக்கு தகுதி இருக்குன்னு நான் ஒத்துக்கிறேன் என்றான் நிக்ஸன்
-எனக்கு அது எல்லாம் தெரியாது என்றான் இம்ரான்
-அப்ப எதுக்கு வீண் ஜம்பம் . விமர்சிக்கிறது ரொம்ப ரொம்ப சுலபம் நீ செய்யின்னு சொன்னா உடனே யூ டர்ன் அடிச்சு சுலபமா தப்பிச்சுக்கிறது இது நல்லவா இருக்கு என்றான் நிக்ஸன்
-அதுக்காக அவர் எழுதினது எல்லாமே உலகம் போற்றுகிற கவிதைன்னு சொல்லவரியா என்றான் இம்ரான்
-தகுதி இல்லாதவன் விமர்ச்சிக்க கூடாது என்கிறது தான் என்னோட கருத்து என்றான் நிக்ஸன்
-அப்போ ரசிக்கிறதுக்கும் கைதட்டுறதுக்கும் என்ன தகுதி வேணும் என்றான் இம்ரான்.
-கேட்கிறதும் புரிஞ்சிக்கிறதும் தான் தகுதி என்றான் நிக்ஸன்
-அப்போ புரியாதவன் என்னான்னு கேட்கவேக் கூடாதா பாமரன் புரிஞ்சுக்கிற மாதிரி கவிதை எழுதமாட்டீங்களா இல்லை எழுதறது இழுக்குன்னு நினைக்கிறீங்களா என்றான் இம்ரான்
-சரி அப்போ நீ தான் யதார்த்தமான ஒரு கவிதையை அந்த பெண்ணை பார்த்து வர்ணித்து சொல்லேன் என்றான் நிக்ஸன்
-என் மனசுல எழுறத சொல்றேன் அது கவிதையா இல்லையான்னு நீ தான் சொல்லனும் என்றான் இம்ரான்
-பார்ரா நீ கூட கவிதை சொல்லப்போறியா என சிரித்தான் நிக்ஸன்
-பாத்தியா இதுகூட ஒரு விமர்சனம்ங்கிறத நீ புரிஞ்சுக்கல அதனால தான் நான் சொல்றதுக்கு முன்பே விமர்ச்சிக்க ஆரம்பிசுட்டே என்றான் இம்ரான்
-சரிப்பா உன் கவிதை வரிகளை கேட்க நான் தயாராகிவிட்டேன் என்றான் நிக்ஸன்

”புன்னகைகள் இருப்பதினால்
பொன்நகைகளில் விருப்பமில்லையோ பெண்ணே
உன் போன்றே பெண்மணிகள் நினைத்துவிட்டால்
ஆண்களுக்கு கவலை நோய் ஏது?
தொல்லைகள் ஒரு கோடி வந்தாலும்
உன் முகம் கண்டு விலகாதோ
பெண்ணே நீ கற்ற
இரகசியத்தை உன் இனத்திற்கும் உரைப்பாயா?”

-இது தான் அந்த பெண்ணைப் பார்த்ததும் என் மனதில் உதித்த வரிகள் என்றான் இம்ரான்
பின்னால் நின்றிருந்த அந்த பெண்ணின் முகத்தில் ஒரு புன்சிறிப்பு அரும்பியதை கண்டான் நிக்ஸன்
-சாரிடா இம்ரான் உனக்குள்ள ஒரு கவிஞன் இருக்கறதை நான் நினைச்சேப் பார்க்கல என்றான் நிக்ஸன்
-அந்தப் பெண் புன்னகைச் செய்ததை நாம இரண்டுப் பேருமே பார்த்தோமே அது தான் நான் சொன்ன கவிதைக்கு கிடைச்சப் பரிசுன்னு நினைக்கிறேன் என்றான் இம்ரான்
-நிச்சயமா நான் சொல்றேன்டா உனது கவிதை யதார்த்தமா இருந்துச்சு நீ இனிமேலும் கவிதை எழுதனும் என்றான் நிக்ஸன்
-வேண்டாம்ப்பா கவிதை எழுத ஆரம்பிச்சப் பின்னாடி நானும் செருக்கோடு எழுதமாட்டேனு என்ன நிச்சயம் என்றான் இம்ரான்
-கவிஞன் கிட்ட இருக்கின்ற பண்புகள்ல இதுவும் ஒன்னு இல்லையா
-அதனால
-அது தப்பே இல்ல என்றான் நிக்ஸன்
-இதுல இருந்து தான் நான் வேறுபடுறேன் என்றான் இம்ரான்
-எப்படி?
-நான் ஒரு முஸ்லிம் என்கிறத நம்புறவன் அதனால என்னால எல்லோரையும் போல எழுதிடவும் முடியாது முரண்படவும் முடியாது
-மத்தவங்க எப்படி கவிதையில முரண்படுறாங்கன்னு சொல்றே?
-ஒரு தமிழ்பட பாடல் வரியில வருது ”கடவுள் வந்து கேட்டால் கூட காணிக்கை தரமாட்டேன்” என்கிற வரி இதுக்கு என்ன அர்த்தம் கடவுள் தேவை உள்ளவன் அவனே வந்து கேட்டாலும் நான் தரமாட்டேன் என்கிறது கடவுளின் பவரை குறைக்கிறது போல தெரியலையா
இது மாத்திரமில்ல ஒரே கவிஞரே அடுத்தடுத்தப் பாடல்ல முரண்படுறதைப் பாடல்களா கேட்டதில்லையா
-அப்படி பட்ட பாடல் வரிகள் கூட இருக்கா என்ன
”மனிதன் என்பவன் தெய்வமாகலாம்ங்கிறாங்க”
அதுக்கு அடுத்தப் பாடல்ல ”கடவுள் மனிதனாக பிறக்கவேண்டும்” என்று எழுதுறாங்க இந்த வரிகள் கடவுள் தன்மைக்கு எதிரானது என்கிறது தெரியலையா என்றான் இம்ரான்
-அப்போ உங்க மதத்துலேயும் தான் இப்படிபட்ட பாடலையும் பாடி இருக்காங்க என்கிறது தெரியுமா உனக்கு என்றான் நிக்ஸன்
நல்லாத் தெரியும் ”இறைவனிடம் கையேந்துங்கள் அவன் இல்லை என்று சொலவதில்லை” என்று பாடிவிட்டு அதுக்கு அடுத்த பாடல் ”நமனை விரட்ட மருந்தொன்று விக்கிது நாகூர் தர்ஹாவிலேன்னு” பாடுறது தப்பு இது ஓர் இறை கொள்கைக்கு முரண்பாடானது என்று விமர்ச்சித்து இருக்கின்றோம் இது போல யாராவது விமர்சித்து இருக்கங்களா என்றான் இம்ரான்
-அது உண்மை தான்,யாரும் அப்படி விமர்சிக்கல தான் என்றான் நிக்ஸன்
...இரண்டு வாரம் சென்றிருக்கும் நிக்ஸன் இம்ரானுக்கு தன் செல்போனின் பேசினான்
இம்ரான் எங்கேடா இருக்கே
இது லஞ்ச் டைம்னு உனக்குத் தெரியாதா கேண்டீன்ல தான் இருக்கேன் என்னடா என்ன விசயம்
முதல்ல போயி ரேகான்னு ஒரு வார இதழ் விக்கும் அத வாங்கிப் பாரு என்றான் நிக்ஸன்
அதுல என்ன இருக்கு என்றான் இம்ரான்
வாங்கிப்பாரு தெரியும் என்று சொல்லிவிட்டு போனை கட் செய்து விட்டான்
அவசரம் அவசரமாக ஆபீஸிலிருந்து வெளியே வந்து அருகில் இருந்த கடையில் தொங்கிக் கொண்டிருந்த ரேகா என்ற வார இதழை வாங்கிப் புரட்டி பார்த்தான் இம்ரான் அதில் முதல் பரிசுப் பெற்ற கவிதையாக அன்று அந்தப் பெண்ணை வர்ணித்து சொல்லி இருந்தான் அல்லவா அந்த கவிதை தான் பிரசுரிக்கப் பட்டிருந்தது மட்டுமல்ல என்னை வர்ணித்து பாடிய அந்த முகம் தெரியாத அந்த கவிஞனுக்கு சமர்ப்பிக்கன்றேன் என்று அடிகோடிடப்பட்டிருந்து.

மாறியது நெஞ்சம்

அந்த இருவரும் கல்லூரி தோழிகள் ஆனாலும் அவர்களுக்குள் தினம் தினம் தர்க்கம் நடைப்பெற்றுக் கொண்டே இருக்கும். இன்றும் அவர்களுக்குள் தொடங்கியிருந்தது அந்த விவாதம் இருவரும் விடாகண்டர்களாக இருந்தாலும் அவர்களுக்குள் ஒரு இனம் தெரியா ஆத்மார்த்தமான சினேகம் மதங்களைக் கடந்த அன்பு என்று கூட அதைச் சொல்லாம்.

-இன்னிக்குப் பேப்பரைப் பாத்தியா என்றாள் நிவிதா
-என்ன சேதிய புதுசா படிச்சே என்றாள் நாதிரா
-என்னத்த இருந்தாலும் உங்க சமுதாயம் ரொம்ப மோசம்பா
-ஆரம்பிச்சுட்டியா உன் கண்ணுல இன்னிக்கு என்ன தெரிஞ்சது
-பெண்கள் எல்லாரும் சமுதாயத்தோட கண்கள் என்று சொல்லிக்கிறீங்க ஆனா பேசறது ஒன்னு செய்யிறது ஒன்னா இல்ல இருக்கு.
-ஏய் சொல்லுறத நேரடியா சொல்லு சுத்தி வலைக்குறது எல்லாம் வேண்டாம் என்றாள் நாதிரா
-இதுக்கு மட்டும் குரைச்சல் இல்ல
-பாத்தியா குத்திக்காட்டுறத விட்டுட்டு சேதிய சொலலுப்பா முதல்ல
-இன்னிக்கு ஆல் இனடியா முழுதுக்கும் ஒரேப் போராட்டமா இருக்கு ஆனா உனக்குத் தெரியலேங்கிற . சரி நான் நேரடியாவே கேக்குறேன் பெண்கள் என்றால் அடிமைகள்ன்னு நினைச்சுட்டாங்களா உங்க சமுதாயத்துல
-புரியும் படியா சொல்லு இல்லன்னா சொல்லாதே என்றாள் நாதிரா
-நான் இன்னிக்கு விடுறதா இல்ல என்றாள் நவீதா
-என்னைத்திட்ட வர்ரேன்னு தெரியுது ஆனா எதுக்காக என்னைத் திட்டவர்ரேன்னு புரியில
-தல்லாதவயதுல ஓரு ஆளு தலாக் சொல்லி மனைவிக்கிட்டே இருந்து விவாகரத்து வாங்கி இருக்கான் அதுக்கு உங்க சமுதாய முல்லாக்கள் வாங்கியும் கொடுத்துட்டாங்க ஆனா அந்த மூதாட்டி எப்படி தன்னுடைய வாழ்க்கையை ஓட்டும் அதுக்கு ஜீவனாம்சம் தராம. அந்தம்மா கோர்ட்டுக்குப் போயிடுச்சு தீர்ப்பும் அந்தம்மாவுக்கு சாதகமா வந்திடுச்சு அதுக்குப் பிறகு உங்க ஆட்கள இந்த தீர்ப்புக்கு எதிரா கொடிபிடிச்சிருக்காங்க இது எந்த வகையில நியாயம் என்றாள் நவீதா
-ஓ இது தான் உன் கோபத்துக்குக் காரணமா
-நான் எவ்வளவு சீரீயஸா ஓரு சேதிய சொல்றேன் நீ நக்கலடிக்கிறியா என்று கோபமானாள் நவீதா
-கூல் டவுன் யா என்று அவளை இன்னும் வெறுப்பேற்றினாள் நாதிரா
-இது உனக்கு சில்லி மேட்டரா தெரியுதா இது ஒட்டு மொத்த பெண்களோட கௌரவப்பிரச்சினை மாத்திரமில்ல இதுக்கு எதிரா யார் வந்தாலும் எதிர்க்க வேண்டியது ஒவ்வொரு பெண்ணோட கடமையும் கூட என்று ஆவேசமானாள் நவீதா
-அதாவது ஒருபெண்ணை விவாகரத்து செய்யிற ஒரு ஆண் அந்த பெண்ணுக்கு நிச்சயமா ஜீவனாம்சம் கொடுத்தே தீரனுமனு நீ சொல்ல வர்ரே அது தானே.
-ஆமாம் இதில் என்ன சந்தேகம் இருக்கு
-அப்போ அவன் எது வரைக்கும் கொடுக்கனும்
-அவள் சாகுறவரைக்கும் கொடுக்கனும் என்றாள் நவீதா
-நான் ஒன்னு சொன்னா கோவிச்சுக்கமாட்டியே
-ம் சொல்லு
-ஒருத்தி தன் கணவனே வேண்டாம்னு பிரிஞ்சுடுறான்னா அதுக்கு என்ன அர்த்தம்
அவனோட செயல்பாடோ இல்லைன்னா அவனோட கேரக்டரோ அவளுக்குப் பிடிக்காமத்தான் பிரியணும்
-அவனும் வேணாம் அவனோட நினைவும் வேண்டாமனு பிரியிறா ஒருத்தி அப்படி இருக்கிறப்போ மாசம் மாசம் அவன் கிட்ட ஒரு பிச்சைக்காரிப்போல கையேந்தி நிக்கச் சொல்றியே இதுக்குப் பேர்தான் பெண்ணுரிமையா அந்த மாதிரி செயலுக்கு பெயர் தான்உரிமையா இதைத் தான் நீ விரும்புறியா
-பின்ன பெண்களோட சுதந்திரத்தை எப்படி பெறுவது
-நான் தெரியாம கேட்கிறேன் அவன் வேண்டாம் அவனோட பணம் மட்டும் வேணும்னா அதுக்குப் பேர் ஜீவனாம்சமா இல்ல வேறு எதுவுமா என்றாள் நாதிரா
-நீ என்ன சொல்ல வர்ரே என்றாள் நவீதா
-இன்னிக்கு ஸ்டவ் வெடிச்சு பல பெண்கள் உயிர் இழந்திருக்காங்கன்னு பேப்பர்ல பாத்திருக்கிறியே இது எல்லாம் உண்மையிலேயே நடந்ததா இல்ல நடத்தப்பட்டிருக்கிறதான்னு நீ யோசிச்சுப் பார்த்திருக்கியா
-அதுக்கும் இதுக்கும் என்ன சம்பந்தம்
-ஆயிரம் சம்பந்தம் இருக்கு
-என்ன சொல்றே
-புடிக்காத மனைவிய குடும்பமா சேர்ந்து கொலைப் பண்ணிட்டு அது ஸ்டவ் வெடிச்சதா நம்ப வைக்கிற விவகாரம் தான் நடந்துகிட்டு இருக்கு அப்படி இல்லைன்னா இந்தியாவுல உற்பத்தி செய்யிற ஸ்டவ் எல்லாமே டூப்ளிகேட் என்று சொல்லவர்ரியா
-என்னை ஏம்பபா குழப்புறே என்றாள் நவீதா
-விவாகரத்து வாங்கிட்டு அவள் தன்னைவிட்டு வெளியேப் போனால் அவளுக்கு ஜீவனாம்சம் கொடுக்கனும்ங்கிறதுக்காகவே நடத்தப்படுற அப்பட்டமான கொலைகளாத்தான் இதை நான் பார்க்கிறேன் என்றாள் நாதிரா
-அப்போ உங்க மதம் என்னதான் சொல்லுது என்றாள் நவீதா
-முஸ்லிம்களைப் பொறுத்தவரை திருமணம்ங்கிறது ஒரு ஒப்பந்தமாதான் பேணப்படுது கணவன் மனைவிக்கு ஆடையைப் போல இருக்கனும்னு சொல்லுது என்றாள் நாதிரா
-பாத்தியா பெண்ணடிமைத்தனத்தை கணவன் மனைவியை அடிமைப் படுத்த இதைவிட வேற வார்த்தை வேனுமா என்றாள் நவீதா
-நான் முடிக்கிறதுக்கு முன்னாடி ஏம்பா முந்திக்கிறே மனைவியும் அப்படி இருக்கவேண்டும்னு தான் இஸ்லாம் சொல்லுது என்றாள்
-அப்போ ஒரு பெண்ணை திருமணம் செஞ்சிட்டு ஆசை அறுபது நாள மோகம் முப்பது நாள் என்கிற மாதிரி அவள கல்யாணம் செஞ்சிட்டு அவளை அம்போன்னு விட்டுட்டுப் போகறதுக்குப் பேர் தான் திருமண ஒப்பந்தமா என்றாள் நவீதா
-இப்பத்தான் ரூட்டுக்கே வந்திருக்கே என்றாள் நாதிரா
-என்ன ரூட் என்றாள் நவீதா
-நல்லா கேட்டுக்கோ ஒருபெண்ணை ஒருத்தன் திருமணம் செய்றான்னா அது ரிக்கார்டு செய்யிறது எங்க பஞ்சாயத்துல வழக்கமா இருக்குற ஒன்னு அது போல அவன் அவளை விவாகரத்து செய்யிறான்னு வச்சுக்கோ அவனுக்கு ஒரேத் தடவையில கொடுத்துட மாட்டாங்க மேகஸிமம் மூனு தடவை யாச்சும் அவங்களை சேரத்துவைக்கிற நடவடிக்கையை மேற் கொள்ளுவாங்க இதுவும் சரியா வரலைன்னா தான் விவாகரத்தே கொடுப்பாங்க அப்படிக் கொடுக்குறப்ப அவன் வரதட்சினையா வாங்கின எல்லாத்தையும் அந்தப் பெண் திருப்பி எடுத்துக்கிட்டு போயிடுவா அதோடு அவ வாழ்க்கை நடத்த தேவையான ஒருத் தொகையை அந்த ஸ்பாட்டிலேயே வாஙகிக் கொடுத்துட்டு இனி அவனுக்கும் அவளுக்கும் எந்த சம்பந்தமும் இல்லைன்னு முடிச்சுடுவாங்க அதன் பிறகு அவள் விரும்பினாள் வேறு ஒரு கல்யாணம் செய்யிறதுக்கு அவளுக்கு உரிமை இருக்கு இத தடுக்க முன்னாள் கணவனஃமுயற்சித்தாலும் முடியாது என்றாள் நாதிரா
-இவ்வளவு இருக்கா இந்த விசயத்துல ஆமா இது எல்லாமும் எப்படி உனக்குத் தெரியம் என்றாள் நவிதா
-எங்க வேதத்துலேர்ந்து தான் படிச்சேன்
-என்னது வேதத்துலயிருந்தா என்று அதிரச்சியாக கேட்டாள் நவீதா
-கல்யாணத்தை ஆயிரம் காலத்து பயிர் என்றும் அது சொர்கத்துல நிச்சயிக்கப்படுதுன்னும் சொல்லுறாங்களே என்றாள் நவீதா
-இப்படி நடக்குற கல்யாணததுல தான் விவாகரத்தும் நடக்குது
-எனக்கு புரியலடி என்றாள் நவீதா
-அதனாலதான் இவ்வளவு கோபம் உன்கிட்ட என்றாள் நாதிரா
.வேதம் என்கிறது வாழ்க்கையின் வழிகாட்டி அத எல்லாரும் படித்துணரனும் அப்போதான் என்னன்னு அர்த்தம் விளங்கும்
-அப்போ பெண்கள் வேதத்தை படிக்கலாமா என்றாள் நவீதா
-பாத்தியா எனக்கும் உனக்கும் உள்ள வித்தியாசத்தை நீ உன்னோட மத வேதத்துல இருந்து ஒரு வார்த்தையைக்கூட கத்துக்கல ஆனா நான் முழுமையா எங்கட வேதத்தைப் படிச்சிருக்கேன் இப்பச் சொல்லு பெண்ணுரிமை எங்கே இருக்குன்னு என்றாள் நாதிரா
-வாய் மூடியிருந்தாள் நவீதா
-ஏகம் ப்ரஹம் அத்வம் நாஸ்தே நஹ்தே கிஞ்சண் அப்படின்னா என்னான்னு உனக்குத் தெரியுமா நவீதா என்றாள் நாதிரா
-ஏதோ மந்திரத்தைச் சொல்றமாதிரி இருக்கு என்றாள் நவீதா
-பாத்தியா இது உங்களோட வேத வரிகள் இதுக்கு அர்த்தம் கடவுள் ஒருவன் அவனுக்கு நிகரில்லைன்னு அர்த்தம் அதைத்தான் எங்க வேதம் லாயிலாஹா இல்லல்லாஹ் என்று சொல்லுது இதுபுரியாமா பலர் பலவிதமா எழுதுறாங்க பேசுறாங்க இத பாக்குற உன்னைப் போல பல பேர் இப்படி குன்டக்க மண்டக்க புரிஞ்சுக்கிட்டு கோபப்படுறாங்க என்றாள் நாதிரா
-சாரிப்பா உங்க வேத த்தை நான் பார்க்கலாமா என்றாள் நவீதா
-என்ன பாக்கலாமாவா படிக்கவே செய்யலாம் நாளைக்கு உனக்கு கொண்டுவந்துத் தருகின்றேன் என்ற போது நவீதாவின் முகத்தில்
ஒரு மலர்ச்சியின் அடையாளத்தை பார்த்தாள் அது என்னவாக இருக்கும் ?

சுமைதாங்கியின் வலி (தொடர்ச்சி)

- இப்போ இந்த இராத்திரி நேரத்தில் எங்கேன்னா போறேள் என அவரின் மனைவி
கேட்டாள்.
- தூக்கம் வரலடி. வெளியே ஒலிபெருக்கியில் ஏதோ பேசின்டு இருக்காள். அதைக் கொஞ்சம்
கேட்டுண்டு வந்தா மனசு பாரம் குறையும்.

- சித்த இருங்கோ நானும் வர்ரேன்.

இருவரும் மாடி ஏறினார்கள். ஒலிபெருக்கியின் சப்தம் இப்பொழுது துல்லியமாக காதில் விழுந்தது.

அது இஸ்லாமியர்களின் தெருமுனைப் பிரச்சாரம். அதன் சாரம்சமானது

முஹம்மது நபி (ஸல்) அவர்கள் கூறினார்கள், உங்களின் வயதான தாய்,தந்தையரை மரியாதைக் குறைவாக நடத்தாதீர்கள். உங்களின் தாயின் காலடியில் சொர்க்கம் இருப்பதை மறந்து விடாதீர்கள். இப்படி கூறிய முஹம்மது நபி (ஸல்) அவர்கள் தன் தந்தையை பார்த்ததில்லை. பிறந்த சில வருடங்களிலேயே தாயையும் இழந்து அனாதையாக இருந்தவர்கள் என்பதைப் புரிந்துக் கொள்ளுங்கள்.

பெற்றோர்களைப் பற்றி அல்லாஹ் திருமறையில் கூறுகின்றான், மனிதனுக்கு அவர்களின் பெற்றோர் குறித்து விவரித்துள்ளோம். அவனை அவன் தாய் பலவீனத்துக்கு மேல் பலவீனப்பட்டவளாக சுமந்தாள். அவனுக்கு இரண்டு வருடம் பால் புகட்டனாள், எனக்கும் உனது பெற்றோருக்கும் நன்றி செழுத்துவாயாக என்னிடமே உங்களின் திரும்புதல் உண்டு.

இதுமட்டுமல்ல அன்புக்குரியவர்களே! மேலும் கூறுவதைக் கேளுங்கள். அன்பு, பணிவு எனும் சிறகை அவ்விருவருக்காகவும் தாழ்த்துவீராக. சிறுவனாக இருக்கும் பொழுது என்னை இருவரும் பராமரித்தது போல இறைவா அவ்விருவருக்கும் அருள்புரிவாயாக என்று பிரார்த்தனைச் செய்யச் சொல்கின்றான்.

மேலும் கூறுவதைக் கேளுங்கள்.

அல்லாஹ்வை வணங்குங்கள், அவனுக்கு எதையும் இணையாக கருதாதீர்கள். பெற்றோர்க்கும், உறவினர்க்கும், அனாதைகளுக்கும், ஏழைகளுக்கும், நெருங்கிய அண்டை வீட்டாருக்கும், தூரமான அண்டை வீட்டாருக்கும், பயணத்தோழருக்கும், உங்கள் அடிமைகளுக்கும் நன்மை செய்யுங்கள். பெருமையடித்து கர்வம் கொள்ளும் எவரையும் அல்லாஹ் நேசிக்க மாட்டான்.

இதைக் கேட்டுக் கொண்டிருந்த அந்த இருவருக்கும் ஒருவித சிலிர்ப்பு ஏற்பட்டது. அதன் விளைவாக அவரின் மனைவி தன் கணவரிடம்

- என்னன்னா நம்ப பிரச்சினையைப் பற்றி பேசிண்டு இருக்கா?

- ஏதோ முஸ்லிம்களின் பிரச்சாரம் போல இருக்குடி. உன் புள்ளை மேடையில் பேசினானே
கேட்டியோ? முஸ்லிம்கள் இந்த முதியோர்கள் இல்லத்தில் இல்லாததை கண்டு
வருத்தப்பட்டான் இல்லையோ? அதற்காண காரணம் எனக்கு இப்பத்தான்டி விளங்குது.

- என்னத்த புரிஞ்சுண்டேள்.

- ஒருத்தரோட வாக்கும், அவர் சொன்ன வேதமும் இத்தனை வருசமா
கடைபுடிக்கிறாங்கன்னா? அதில் உயிரோட்டமும், சத்தியமும் இருக்குன்னுதானடி அர்த்தம்?
இதெல்லாம் நமக்கு புரியாம போச்சே? எல்லாம் சரியா புரிந்திருந்தா இப்படியொரு நிலை
நமக்கு ஏற்படாமலே இருந்திருக்கும் இல்லையா?

- ஏதேதோ பேசரேள். வேதங்கள் எல்லாம் நல்லது தான் சொல்லது அதன்படி
நடக்குனுமோன்னா.

முற்றும்.

சுமைதாங்கியின் வலி

சுமைதாங்கியின் வலி

அந்த முதியோர் இல்லம் 25 ஆண்டு நிறைவு விழாவை கொண்டாடியது. முக்கிய பிரமுகர்கள் மேடையில் அமர்ந்திருக்க விழா கதாநாயகனாக அமெரிக்காவிலிருந்து ஒரு பிரமுகர் வருகைத் தந்திருந்தார். ஒவ்வொருவரும் இந்த இல்லத்தின் வளர்ச்சி குறித்து ஒவ்வொருவிதமாக சிலாகித்துப் பேசினார்கள். தொடங்கப்பட்ட காலத்திலிருந்த நபர்களின் எண்ணிக்கையையும், இன்று அதன் வளர்ச்சியால் எவ்வளவு பேர் இருக்கின்றார்கள் என்ற கணக்கையும் சொல்லி முடித்தார்கள். கடைசியாக பேச எழுந்தார் அந்த அமெரிக்க பிரமுகர்.

பெரியோர்களே! இந்த மாதிரி முதியோர்கள் இல்லம் தொடங்கப்பட்ட பின்புதான் எங்களைப் போன்றவர்கள் நிம்மதியாக வெளிநாட்டில் வாழ்வை கழிக்க முடிகின்றது. வயதான பெற்றோர்களை கவனிக்க நேரம் இன்றி வாழ்கின்றோம். அதனால்தான் பெற்றோர்களை இந்த முதியோர் இல்லத்தில் விட்டுவிட்டுச் செல்கின்றோம். வீட்டில் இருப்பதை விட இங்கு நீங்கள் மகிழ்ச்சியாக இருப்பதை உங்களின் முகங்களைப் பார்த்து உணர்கின்றேன். பெற்றோர்களை இந்த இல்லங்களில் விட்டுச் செல்வதை ஒரு கவுரவக் குறைச்சலாக நான் கருதவில்லை. வீட்டில் கிடைக்கும் நிம்மதியை விட இங்கு நிம்மதியாக இருக்கின்றீர்கள். வெளிநாடுகளில் கூட இதுபோன்ற முதியோர் இல்லங்கள் இருக்கின்றன. அதை அரசாங்கமே ஏற்று நடத்துகின்றது. ஆனால் இங்கு தனியார் துறை எடுத்து நடத்துகின்றார்கள். அவ்வளவுதான் வித்தியாசமே. நீண்ட நாட்களாக என் மனதில் ஒரு குறை உள்ளது. அதாவது நமது நாட்டில் எல்லா சமயத்தவர்களும் வாழ்கின்றோம். ஆனால் முஸ்லிம் சமுதாயத்தவர்கள் மட்டும் இம்முதியோர் இல்லத்தில் அடைக்கலம் தேடி வருவதில்லை. அப்படிப்பட்ட இஸ்லாமியர்களையும் இவ்வில்லத்தில் சேர்க்க வேண்டும் என்பதே எனது ஆவலாகும். இதை ஒரு கோரிக்கையாகவே உங்களிடம் நான் இந்நேரத்தில் வைக்கின்றேன். இதுவே எனது தாழ்மையான வேண்டுகோள் என்று கூறி அமர்ந்தார். அந்த இல்லத்தில் இருப்பவர்களை விட அழைப்பின் பேரில் வருகைத்தந்தவர்களின் கைதட்டல் பலமாக இருந்தது. விழாவும் இனிதே முடிந்தது.

அந்த அமெரிக்க பிரமுகர் பத்தாம் எண் அறைக்குள் நுழைந்தார். அங்கே அவரின் தாய், தந்தையர்கள் அமர்ந்திருந்தர்கள். இவர் அவர்களிடம்,

- என்னப்பா எப்படி இருக்கேள் ஷேமமா இருக்கேளோன்னோ?

- ம் நல்லா இருக்கோம்பா.

- உங்களை நன்னா கவனிச்சுக்கிறா தானே?

- ஓ நன்னா கவனிச்சுக்றாங்கபா.

- அதுதானே பார்த்தேன். நான் இருக்றச்சே நீங்க கவலைப்பட வேண்டாம். என்ன
வேண்டுமென்றாலும் என் கிட்ட கேளுங்கோ. நான் இங்குள்ளவாளுடன் கூறி
உங்களுக்காண தேவைக்கு ஏற்பாடு செய்கின்றேன். எனக் கூறியவாறே தனது கை
கடிகாரத்தை பார்த்தார்.

- என்னப்பா வேலை எதுவும் இருக்கா மணியைப் பார்க்குறே?

- ஆமாம்பா. பிளைட்டுக்கு டயம் ஆயிடுத்து. சென்னையிலிருந்து டெல்லிக்கு பத்து மணிக்கு பிளைட். என் பால்ய சினேகிதன் டெல்லியில் இருக்கான் அவன் கூட இரண்டு நாட் தங்கிட்டு உடனே அமெரிக்கா கிளம்பனும். உங்களைப்பார்க்கவே இந்த புரோகிராமுக்கு ஒத்துக்கிட்டேன். நான் கிளம்புறேன். டேக் கேர் பை பை. என்று விடைபெற்றுக் கொண்டார்.

அறை வெறிச்சோடியது பழைய நிகழ்வுகளை அந்தப் பெரியவர் மனதிற்குள் போட்டுக்கொண்டிருந்தார். அவர் அருகில் இருந்த அவர் மனைவி அவரைப்பார்த்து கேட்டார்.

- என்ன அப்படி வெறிச்சு பார்த்துண்டு இருக்கேள்?

- நோக்கு தெரியுமோல்லியோ அவன் பிறக்கறச்சே நீ எத்தனை பாடுபட்டேன்னு?

- தெரியும்ன்னா இப்போ அதுக்கு என்ன?

- அவன் பேசின்டு போனதை பார்த்தியாடி.

- கலி முத்திடுத்து. மனுசா பணம் பணம்னு பறக்குறா. இதுல இவன மட்டும் விதிவிலக்கா
பார்க்கமுடியுமோன்னோ?

- பணம் என்னடி பணம். இவன் அமெரிக்காவிற்கு போறச்சே நம்பன்ட என்னடி இருந்துச்சு.
என் தாசில்தார் பதவி, ஒரு வேலி நிலம் அதுதானடி நம் சொத்து. வி.ஆர்.எஸ்
வாங்கின்டு அந்த பூமியையும் வித்துட்டு தானே இவனை அமெரிக்காவிற்கு அனுப்பி
வைத்தோம்.

- நேக்கு தெரியரது. ஆனால், பிள்ளையாண்டான் மறந்துட்டானே.

- பெத்தவங்களையே மறந்து போறவன் சமயத்தில் நாட்டையும் மறந்துடுவான். பணத்திற்கு
வேண்டி நம்மை மறந்தவன். காசுக்காக எதையும் செய்வான். மனுசாலுக்கு பணமும்,
பதவியும் வந்துடுத்துன்னா பூமியில நிக்க மாட்டாடி. இங்க நம்ம கூட ரெண்டு நாள் கூட
இருக்க மாட்டானாம். பால்ய சினேகிதன் கிட்டே இரண்டு நாள் வாசம் பண்ணப்
போறானாம். போகட்டும், போகட்டும். அதுல வேற மேடையில் நம்ம நாட்ல எல்லா
சமயத்தாவாலும் வாழ்றாங்களாம். இந்த மாதிரி இல்லத்தில மட்டும் இஸ்லாமியர்கள்
இல்லை என்பது ரொம்ப வருத்தமாக போயிடுத்து இவருக்கு.

- பாவம் இஸ்லாமியர் அவங்க குடும்பம் புள்ளை, குட்டிகளோட இருக்குறது அவனுக்கு
புடிக்கலியோ என்னமோ என்றார் அவர் மனைவி.

- மனுசனுக்கு எண்ணம் போல வாழ்வுடி.

- சித்த சும்மா இருங்கோ. இரத்த கொதிப்பு அதிகமாகிடப் போறது.

- இரத்தக் கொதிப்பு மட்டும் இல்லைடி எல்லாமே ஏறிடுது. ஏன் வாழ வேண்டும் என்கின்ற
விரக்தியும் வந்துடுது.

- ஒன்னே ஒன்னு, கண்ணே கண்ணுன்னுதான் வளர்த்தோம். ஆனால், அவன் நம்பல
நட்டாத்துல விட்டுட்டான். அவன நம்பி வாழலேன்னு நினைத்துக்க வேண்டியதுதான்.

- சத்தியமா அதுதாண்டி உண்மை. என்னோட பெண்ஷன் பணம் தாண்டி இப்போ நம்மை
காப்பாத்துது.

- விடுங்கோண்னா. அவனைப்பத்தி நினைத்து உடம்பை கெடுத்துக்காதேள்.

- முடியலடி. முடியல. நாம இவனை நன்னா படிக்கவச்சு அழகு பார்த்தோம். நாம நம்
கடமையை செஞ்சாமாதிரி அவன் அவன் கடமையை மறந்துட்டானடி. தனக்கு இதுபோல
வராதுன்னு நினைச்சுட்டான் போல. இந்தியாவுல வாழ்ந்த இவனுக்கே கூட்டு குடும்பத்த
பத்தின அறிவு இல்லைனா இவனோட புள்ளை குட்டிங்க அமெரிக்காவுலன வளருது
அதுங்களுக்கு எங்கேடி விளங்கப்போவுது. இவன் எட்டடி பாய்ந்தால் இவனோட புள்ளைங்க
பதினாறு அடி பாயப்போதுங்க.

- எத்தனை வாட்டி சொல்றது. கொஞ்சம் பேசாம இருங்கோண்ணா. இப்படி பேசின்டே
இருந்தா உடம்பு என்னத்துக்கு ஆவுறது.

மனைவியின் அதட்டலால் சிறிது வாய் மூடினார். அந்த இரவுநேர அமைதியில் எங்கிருந்தோ ஒலி பெருக்கியின் சப்தம் காதுகளில் அலை மோதியது. அது என்ன என கூர்ந்து கேட்கத் தொடங்கினார். அது மேடைப் பேச்சுப் போல இருக்க. அந்தப் பேச்சு அவரை வசீகரிக்க அதைக் கேட்கவும், தன்னை ஆசுவாசப்படுத்திக்கவும் மேல்மாடி நோக்கி நகரச் தொடங்கினார்.

தொடரும்...